【外遊必備】帶備防盜袋 過聖誕安全啲

全新旅遊專頁,即like籽想旅行:https://fb.com/travel.appleseed

作為最愛去旅行的香港人,年尾長假去外地走番轉是必需的,不過在這熱門旅行旺季,亦正是不法之徒落手的高危時間,特別係去強國、東歐、南美、意大利……等等,就更是危上加危,失錢自然慘,失證件就更麻煩,一陣流落異鄉返唔切嚟開工,就等俾老細開年。所以花少少錢買番個具有防盜功能的包包跟住出門都可買個安心,而一向只專注出防盜袋款的Pacsafe是其中一個不錯選擇。品牌旗下的袋款物料全都有防割防𠝹功能,亦有其他細節位,如可拆式肩帶方便綁著支柱檯凳,減低俾人順手牽羊的風險;亦在袋中加入極多間隔,方便放不同小物,功能性十足。不過有得必有失,功能強,外型多數都一般,今次亦難逃這定律,Pacsafe袋款大多較平實,不過旅行用又唔需要咁計較嘅。另外,品牌最近亦加推了Transit連帽衫,外型雖是普通外套亦沒用上防割防𠝹物料,但其實男女裝分別有12個及11個口袋,除了方便小物隨身,把貴重物品放於內袋亦有防盜之效,加上頭罩的設計可作為睡覺用的下拉式眼罩,上飛機或長途車着一流。


品牌旗下的袋款物料全都有防割防


新出的Transit連帽衫,外型雖是普通外套亦沒用上防割防


男女裝分別有12個及11個口袋,除了方便小物隨身,把貴重物品放於內袋亦有防盜之效。


袋款除了防盜亦在袋中加入極多間隔,方便放不同小物,功能性十足。(Metrosafe LS350$890)


Travelsafe X15($890)防盜性能極高,除了金屬索帶,更有鎖扣,萬無一失。

記者:韓繼聰

原文 Link http://hk.apple.nextmedia.com/supplement/travel/art/20171215/20244884