新視野新景點 感受不一樣的泰國

(特約內容:泰國政府旅遊局)每次放假,總有好多朋友走去泰國玩,究竟泰國有咩特別會令人一試上癮呢?今次一於由南到北,發掘吓泰國嘅絕景度假天堂,嚟一趟前所未有嘅特別旅程,感受吓不一樣嘅泰國!

 

喀比(Krabi)

泰國南部嚟講呢,布吉就聽得多,但原來喀比都一樣咁正,仲多一份寧靜悠閒,保留獨有嘅原始氣息,除咗有靚絕嘅海島之外,仲有好多奇岩異石吸引唔少人嚟朝聖。

1-Krabi_KohPoda-min-min-min

想感受醉人嘅日落黃昏,必到奧南海灘。呢度海浪平靜,泊滿傳統長尾船,望遠啲會見到好多奇石陣,當夕陽嗰陣就會好似油畫咁靚,您嘅身心只會專注喺感受日落嘅美好。

 

萊利海灘

喀比嘅攀石勝地,成個海灘被高聳嘅石灰山包圍,仲有雄偉嘅斷崖山壁,吸引好多世界級嘅攀岩好手嚟挑戰;而新手可以揀挑戰邊條難易度嘅路線,全程會有導師喺地面用繩索牽引住你,即使失重心都唔會墜地,可以放心由地面慢慢爬上十幾米高嘅懸崖。

3-KrabiCover-min-min 4-RockClimbing1-min

 

翠綠泳池

又稱Sa Marakot,一個天然溫泉泳池,有翡翠色嘅池水,有時係透明色,有時又會變碧綠,游緊水嘅時侯更會睇到啲野生魚仔喺你身邊游過。另外沿住森林步道行多15分鐘會到達藍池,池水就好似藍寶石色咁,神秘夢幻,雖然就冇得落水玩,不過淨係嚟睇池水都值回票價吧!

5-WCC_5390-min-min

 

溫泉瀑布

翡翠池附近大概10分鐘車程的Namtok Ron溫泉瀑布,水溫約40度,建議浸15至20分鐘就夠。水流嚟自一級級嘅石級流落嚟,形成小小嘅私人溫泉池、天然按摩池,同埋冷水湖泊,好岩帶埋小朋友嚟一齊玩水。

如果有時間,大家不妨搭香港航空落曼谷先再轉機,貪可以趁機去市區豪食番餐、揼埋骨,再去Shopping,順便玩多個地方!但如果唔想咁頻撲,就可以選擇肯尼亞航空直飛喀比,留喺裡面慢慢嘆。

WCC_4971-min

蘇梅島(Koh Samui)

另一個可以搭曼谷航空直接嚟到嘅絕景海島:蘇梅島,由於飛嚟嘅航班唔算頻密,冇太多旅行團同背包客,所以成個島都特別和諧寧靜,唔太商業化。嚟到除咗享受陽光與海灘之外,必定要養生。

大部分resort都有簡單嘅泰菜烹飪班,可以學煮地道嘅泰菜,仲有好多保健菜式同埋養生餐單,餐單經過特別調配,多數配搭新鮮果汁、蔬菜同超級食物,有益又好味,順便排清體內毒素。

講明嚟養生,梗係唔少得瑜珈。呢度最正係可以喺大自然下做瑜珈,海灘同叢林都係首選地點,真正令人放鬆心情,清除所有雜念。

想出多啲汗,可以嚟學最傳統正宗嘅泰拳,同其他新手較量一吓。另外仲有好多唔同類型嘅健身、戶外活動,無論係平日鐘意運動嘅您,抑或經常性齋坐喺度唔郁嘅您,嚟到蘇梅都一定會被養生健康嘅氣氛所感染!

8-Conrad_health and wellness

9- Muay Thai 3-min-min-min

最後出咗成身汗,當然要鬆弛吓。呢度嘅泰式、穴位或者精油按摩,甚至係獨有嘅波音療程,都會係排毒療程嘅一個完美養生句號,除咗被人按摩之外,仲可以學吓簡單嘅泰式按摩手法,等您番到香港之後都繼續keep住健康人生。當然喜愛健康嘅你,都唔可以錯過6月25號係蘇梅舉行嘅馬拉松啦。

PG leaflet

喺會場仲可以以優惠價購買蘇梅馬拉松旅遊套票,並即刻獎你限量手錶一隻。

11-Learn Thai Massage-min-min-min

 

清邁(Chiang Mai)

泰國北部最大、最重要嘅城市,屬於泰北嘅經濟、文化同商業中心。當地有保留咗好多舊城遺跡同寺廟,唔少人都鐘意嚟玩,啲與眾不同嘅體驗,同時了解埋泰國嘅歷史文化。依家有Air Asia由香港直飛清邁,唔洗3個鐘就到,即刻睇吓有咩玩!

金光素貼寺

又名雙龍寺。相傳呢度有佛祖嘅舍利子,佛像同裝潢都華麗堂皇,中殿寶塔仲貼滿咗金箔,聽講只要圍繞住寶塔走三圈,就會實現願望。想嚟嘅您要行309級嘅龍形樓梯上山,當然亦都可以選擇搭纜車。

 

 

按摩學院

按摩就按得多,但有冇諗過係時侯學番一招半式傍吓身?喺泰國傳統嘅按摩學院,有3或6個鐘嘅速成班,學吓簡單嘅按摩方法,仲有針對都市人成日有嘅肩頸勞損部位同埋指法,想再學多啲嘅可以上埋佢個2-5日嘅深造班。舒活筋骨嘅重要性,你懂的。

14- LannaMassageSchool_3-min

由日常嘅民間智慧當中,體驗生活嘅樂趣。當地有唔少手工活動,例如整吓香草球、陶瓷手工、甚至紮染紡織,用最簡單嘅材料做出最有心思嘅作品,整嗰陣仲會同當地人傾計,就會發現原來佢地都係咁知足常樂。

15- WCC_2581-min

16- sewing_4-min

特別推介:距離清邁大約一個鐘嘅南邦府,係全泰國唯一嘅「馬車之城」,當地仍然保留用馬車做交通工具,好似番咗古代咁。呢度曾被緬甸統治,所以有好多充滿緬甸風格嘅寺廟,好有文化特色。南邦最特別係有國家大象研究中心,俾旅客3日嘅留宿體驗,等您可以深入森林生活,照顧大象嘅起居飲食,試吓做象伕嘅滋味,絕對值得一試!

17- WCC_2453-min-min

 

泰想放假!想知泰國仲有咩好玩?泰國政府旅遊局今年會連同4間航空公司(包括:Air Asia、香港航空、HK Express、和肯尼雅航空) 攜手與泰國航空及曼谷航空,推出更多元化、更多選擇嘅遊泰計劃,而且仲會係4月22-23號假奧海城舉行 「Amazing Thailand Festival 2017 – THAICATION 泰想放假」活動,屆時會有即玩即獎遊戲,量價值$999嘅旅遊套票發售,大派超過$200,000嘅旅遊奬品。

現場仲會有免費嘅泰式按摩,同埋精彩嘅表演,當然唔少得有旅遊達人同你分享點先算泰識玩。小朋友都唔怕悶,因為大會亦貼心準備咗免費嘅泰國手工藝工作坊,由專業泰國手藝大師現場教大家做最簡單的泰國手工藝,每日有6場架,有興趣的大小朋友就要注意喇!

除咗可以親身嚟到現場,大家都可以 download 泰旅局推出嘅「Gals Getaway In Bangkok」手機 app,等大家都能夠透過手機道體驗至新至潮嘅泰國文化活動同美食等等。只要登記成為會員,仲可以專享獨家遊泰優惠,如:以超優惠價THB 1,200享受原價THB3,300曼谷香格里拉大酒店CHI Spa 的60分鐘美容療程,總之精彩禮遇陸續有來。一於快啲上網撳定機票download 埋個app,泰國見!。

想緊貼番活動詳情,Click入泰旅局 Facebook:https://www.facebook.com/TAT.HongKong