豪華日式酒店 曼谷市內最高infinity pool

(文章來源:果籽)大廈未起好,但 5 月就開業的曼谷超級商場 Central Embassy 都叫生不逢時,一開業就遇着政變,努力做勢都立即被打沉。終於,曼谷市稍為回覆平靜,旅遊警示亦轉回黃色,總算可以去一去這個大到可以同時連接兩個 BTS 站(Chitlom 及 Phloen Chit)的超級商場。不過,其實我想說的,是正正位處商場對面的曼谷大倉酒店(The Okura Prestige Bangkok),酒店透過天橋與商場接通,大可踢住拖鞋去逛商場,非常方便。

體驗,由此出發

Prestige是日本大倉酒店的副綫,走更奢華路綫,亦承襲其日本風格,設計低調,門口沒有堂皇的招牌或噴水池,一不留神便會錯過。酒店設於商業大樓上,大堂設於24樓,稍為遠離城市內的煩囂。位於25樓的 infinity pool是酒店的標誌,亦是曼谷市內最高的 infinity pool,可欣賞開揚的城市風景之餘,更可欣賞日落景緻。房間布置簡潔,日本人最愛的電子感應抽水馬桶當然少不了,床頭還有電子顯示屏,可控制房內燈光及溫度,臨瞓前無需再花一輪功夫找燈掣。不過說到最欣賞,其實是酒店內的 Signature日本餐廳「山里」,堪稱是全曼谷最佳的日本料理之一,除了有日藉廚師座鎮,亦每週三次從日本空運新鮮食材於餐廳供應,連侍應亦由日本人充當,置身其中曾有幾下錯覺以為自己身處東京,因而不少旅居曼谷的日本人都會不時到來解一解鄉愁。

設於25樓的 infinity pool,畏高者慎入。

黃昏時份這裏有絕佳的日落景色,睇唔睇到要看彩數。

床頭設電子控制板可掌控室內燈光及溫度,還可看環球時間,非常方便。

餐廳侍應唔少都是日本人,全身和服侍候仿於置身日本。

手握壽司上的魚生非常新鮮,9件手握壽司 set約 $450。

松花堂弁當相當豐富,每道菜都非常精緻,最愛其末茶甜品,茶味極濃。約 $375

 

The Okura Prestige Bangkok

地址:Park Ventures Ecoplex,57 Wireless Road, Lumpini, Pathumwan, Bangkok
房價:每晚約 $1,800起
優惠:即日至31/10入住兩晚或以上可免費 upgrade至 Deluxe Corner Room,更可獲贈二人各一小時傳統按摩服務
網址:http://www.okurabangkok.com

原文 Link http://hk.apple.nextmedia.com/supplement/travel/art/20140814/18830909 

延伸閱讀